أضف استشارتك
الرئيسية استشارات طب اسنان السلام عليكم السنه اللى فاتت لما وصلت

السلام عليكم السنه اللى فاتت لما وصلت

الإستشارة رقم: 28076

السلام عليكم السنه اللى فاتت لما وصلت لسن ال20 احسست بالم وسخونه وتضحم فى خدى الايمين ولما رحت لدكتور الاسنان عرفت انه ضرس العقل
وتم حل الموضوع بالادويه الى ان فى نهايه العام حدث نفس الكلام ولما رحت تانى
طلب انى اعمل اشاعه بانوراما وبالاشاعه اكتشفت ان ضورس العقل الاربع معوجين ومنغرزين تحت ولازم اشالهم المهم بالفعل شلت ضرس بتاع خدى الايمين الفك السفلى ولكن كانت تجربه قاسيه جدا جدا جدا ولحد دلوقت بتفكر وبجد الموضوع دا سبب ليا الم نفسى اكتر
دلوقت قدامى 3 ضروس لسه وكنت حلفت انى مش هشلهم مهما حصل لكن قريت انه لو مش شلتهم هيفضلوا يضغطوا ع الضروس المجاوره
وبكده ممكن يتعبونى هما كمان
وكل ماافتكر انى هشيل تلات ضروس ارتعش من الفكر واموت من الخوف
سؤالى بقا ايه افضل واريح طريقه لازالهتم
وممكن اسيبهم كده
وهل فى امكانيه انه يتعدل ومش يفضل معوج لان فى ضرس حاول يطلع وبالفعل برز منه جزء من راسه
وياترى مش اتسعجل ع ازالتهم
ولا اعمل ايه بجد مرعوبه

  1. مرحباً أختي الكريمة ،

    ندرك تماماً هذه المشكلة الشائعة ، و لا نستطيع ان نلومك فيها ، لأن خلع الاسنان لأغلبنا يمثل تجربة مزعجة بشكل كبير .

    لكن كما يقول القول المأثور : ألم ساعة ، خير من ألم كل ساعة .

    لذا عليك التغلب على خوفك من خلال وضع النقاط التالية في الاعتبار :

    أولاً : عملية خلع الضرس تتم تحت التخدير مما سوف يقلل من شعورك بالألم بإذن الله .

    ثانياً : اذا تركتي الضرس بمشاكله فربما تمتد لباقي الأسنان و الضروس مما يسبب تفاقم المشكلة .

    ثالثاً : حاولي ان تختاري وقت لخلع الضرس يكون مرتبط بحصولك على اجازة او راحة من العمل حتى تقللي من التوتر العام في حياتك الذي قد يضاعف من قلقك بشأن عملية الخلع .

    كما يمكنك مناقشة طبيب اسنانك في مخاوفك حيث يمكنه توضيح النقاط الغامضة لك و مساعدتك على تخطي الموضوع بشكل أسهل ان شاء الله .

    الاحتياطات التي ينبغي ان تفكرى فيها تشمل :

    – ان تتم عملية الخلع في مركز طبي ذو سمعة جيدة و يهتم باجراءات التعقيم بدقة .
    – ان تأخذى معك مرافق لتوصيلك للمنزل بعد عملية الخلع .
    – ان تخبرى الطبيب اذا كنت تعانين من أي مشاكل في عوامل تجلط الدم .
    – ان تخبرى الطبيب اذا كنت تعانين مؤخراً من أي عدوى .
    – اذا كنت لا قدر الله مصابة بأمراض تتطلب بنسلين طويل المدى ينبغي ان تخبرى طبيبك .
    – ان تخبرى طبيبك اذا كنتى تعانين من أي مشاكل صحية مزمنة .
    – ان تخبرى طبيبك اذا كان لديك حساسية من أدوية معينة .
    – أن ترتبى أجازة لبضعة أيام بعد الخلع لتحصل على راحة تساعدك على التعافي السريع .

    بالنسبة لاعوجاج الضرس فعلاقه يختلف بإختلاف درجة الاعوجاج وقد يتطلب الامر استخدام تقويم للضرس .

    مع خالص تمنياتنا بالشفاء العاجل ان شاء الله .

  2. صاحب الاستشارة

    جزاكم الله خيرا

    عندى استفسار انا لما شلت الضرس دا مكنش تحت عمليه جراحيه كنت فى كامل واعى والبنج اللى اخدته عند الضرس دا مكنش ماثر عشان كده انا حسيت بكل الالم لدرجه انه اغمى عليا عشان كده مرعوبه

    سمعت دلوقت انه ممكن يتم ازالتهم عن طريق عمليه جراحيه مع البنج كامل هل بينفع للناس كلها ولا ايه الدكتور بيحدد مثلا انه يدينى بنج كامل ولا لا ع اساس ايه وياترى لما افكر اشلهم هيكونو كلهم مره واحده ولا ع مرتين الجانب الايسر الضرسين والايمين الضرس اللى فاضل وشكرا لكم

  3. مرحبا أختي الكريمة ,

    يتم تحديد نوع البنج عن طريق الطبيب المعالج وفقا لما تتطلبه الحالة الصحية للمريض , مثل الوظائف العامة للجسم , وجود مرض مزمن من عدمه .

    ويتم خلع ضرس ويعقبه الآخر بيومين .

    تحياتي .

  4. صاحب الاستشارة

    جزاكم الله خيرا