السلام عليكم انا كنت عامله دايت فتره

الإستشارة رقم: 36279

السلام عليكم انا كنت عامله دايت فتره وخسيت اوى وقررت انى ازود فى الاكل نسبه بسيطه يعنى ممكن 6معالق بس اول ماابتدى اذود فى الاكل تبتدى المشاكل عندى بحس ان كان عندى بطن ومش بقدر اكل غير متاخر اوى ووشى بيبقى اصفر وجسمى وعيونى بتبقى الجفون منتفحه ونازله وانفى بيكبر اوى وبيطلعلى زى الحسنات صغيره فى وشى وجسمى لونها اسود وشعرى يتساقط واسنانى بتتسوس والدوره الشهريه كل شهر بتتاخر 4تيام ووزنى بيزيد مش عارفه ايه اللى عندى انا محتاره اوى وخايفه يكون عندى حاجه وروحت لكذا دكتور باطنه يقولوا مفكيش حاجه ياريت حد يقولى ايه اللى عندى ده لان اول مابنقص تانى فى الاكل بيرجع كل حاجه طبيعيه

  1. مرحبا أختى الفاضلة ,

    هل تعانين من زيادة شعر الجسم ؟؟؟

    بالنسبة لتسوس الاسنان وظهور الحسنات وكبر الانف فليس لها علاقة بزيادة الوزن .

    في انتظار توضيحك .

    تحياتي .

  2. صاحب الاستشارة

    لامعنديش حاليا زياده شعر بجسمى بس لوزودت فى الاكل اكتر ممكن بيزيد الشعر ياريت يادكتور حضرتك تقولى الاعراض دى سببها ايه انا جسمى دلوقتى مش بيستحمل اى اكل زياده عن النظام اللى كنت ماشيه عليه لو زودت نسبه بسيطه اوى عليه جسمى بحسه كانه منتفخ كده وجسمى ووشى مصفر على الرغم انى قبل الدايت كنت باكل اكتر من كده ووزنى مبيزيدش وانا من الناس اللى كنت لماباكل بيبان على بشرتى جدا النضاره وشكلى بيكون جميل دلوقتى مش عارفه شكلى متغير خالص واى زياده فى الاكل شكلى بيتغير الملامح هل ده ليه علاقه بفيرس سى لان ماما عندها الفيرس وخايفه تكون اتنقلتلى منها هل اروح اعملى تحليل واتاكد ولاايه

  3. صاحب الاستشارة

    ياريت تقولى اعمل ايه لانى قلقانه اوى

  4. مرحبا أختى الفاضلة ,

    نرجو منكي في البداية ذكر طولك , ووزنك ؟؟؟

    تحياتي .

  5. صاحب الاستشارة

    انا طولى 159 ووزنى 61

  6. صاحب الاستشارة

    انا طولى 159 ووزنى 61

  7. مرحبا أختى الفاضلة ,

    في البداية يجب الاهتمام بالتغذية السليمة تجنبا لحدوث زيادة في الوزن .

    التغذية المتوازنة تكون منخفضة السعرات التي تعتمد بنسبة كبيرة على الفواكه و الخضروات و الطازجة لأمداد الجسم باحتياجاته من الفيتامينات و الاملاح المعدنية المتنوعة .

    تقسيم وجبات الطعام إلى 6 وجبات متوسطة الحجم على مدار اليوم أفضل من وجبتين أوثلاثة من ذات حجم كبير ولا تقدر على إلتهامها مع الحرص أن تحتوى كل وجبة على البروتين والنشويات والخضراوات والدهون ومثال على ذلك:
    رغيف من الخبز الأسمر (أو 2 توست أسمر )+ قطعة من الرومى المدخن (يمكن إستبدالها بأى نوع بروتين حسب الرغبة) + المايونيز + الطماطم + كوب من عصير الفواكة الطازج.

    تجنبى تناول اطعمه مثل الوجبات السريعة والحلويات وغيرها من الأطعمة التى تفتقر إلى العناصر الغذائية بدون قيد بل عليكى البحث عن الأطعمة الغنية بالمغذيات وبالطبع هى تحتوى على سعرات حرارية أيضاً مثل الخبز الكامل , المكرونات , الحبوب , الفواكة والخضراوات , منتجات الألبان (النصف دسم) واللحوم الحمراء والدهون الصحية مثل المكسرات و زيت الزيتون والأسماك .

    اتباع مقترحات الهرم الغذائي في الحصص التي يجب تناولها يومياً وهي كالتالي:
    1. 3-5 حصص من الخضراوات.
    2. 2-4 حصص من الفاكهة.
    3. 2-3 حصص من الحليب ومشتقاته كاللبن والزبادي والجبن.
    4. 6-11 حصة من الخبز والحبوب والرز والمعكرونة.
    5. 2-3 حصص من اللحوم والأسماك والبقوليات.
    6. تُستعمل الدهون والزيوت والحلويات باعتدال وبكميات قليلة.

    يمكن تعريف الحصص بالتالي:
    – حصة من مجموعة الخبز والحبوب تساوي شريحة من الخبز أو نصف كوب من الرز أو المعكرونة المطبوخة.

    – حصة من الخضراوات تساوي نصف كوب من الخضراوات أو برتقالة واحدة متوسطة أو تفاحة متوسطة الحجم أو ثلاثة أرباع كوب من العصير.

    – حصة من مجموعة الحليب تساوي كأس من الحليب.

    – حصة من اللحوم تساوي قطعة صغيرة من اللحم أو الدجاج أو السمك أو كوب ونصف من البقول المطبوخة.

    تمنياتنا بالصحه والعافيه .

  8. صاحب الاستشارة

    شكرا ليك على الرد