السلام عليكم انا متزوجة من سنة وما

الإستشارة رقم: 36457

السلام عليكم
انا متزوجة من سنة وما حصلش حمل وعملت تحاليل وفحوصات انا وزوجي بعد 6 شهور من الزواج والدكتور قالي ان كل حاجة كويسة ودي مسألة وقت ، لما كملت سنة رجعت للدكتور تاني ولما كشف قالي ان ظهر عندي لحمية طولها 1 سم وتجويف الرحم 2.5 سم ،وانها كانت صغيرة جدا لما روحتله من 6 شهور عشان كدة هو ما علقش عليها بس زادت كتير في وقت قصير، وقالي هنستنى لما البريود تيجي الشهر ده وهيعملي منظار بطن يعني جراحة عشان يشيل اللحمية وكمان يتطمن ان مفيش حاجة تانية بس انا خوفت من الجراحة والفتح وروحت لدكتور تاني وقالي هو في سماكة في الرحم بس مش عارف هي ايه بالظبط وهنستنى برضه لما البريود تيجي وهنعمل منظار مهبلي من غير فتح بطن ، انا دلوقتي مش عارفة مين فيهم الأصح والمفروض اعمل ايه ، وعرفت ان اللحمية بتسبب ان لو حصل حمل انه ما يكملش ، تقريبا فاضلي 10 ايام على ميعاد البريود وعايزة اقرر هعمل ايه وايه الأصح

  1. مرحبا أختى الفاضلة ,

    في البداية نرجو منكي رفع الفحوصات التي قومتى باجرائها على احد مواقع الرفع , وامدادنا بالروابط للاطلاع عليها وافادتك بشكل سليم .

    في انتظار الروابط .

    تحياتي .

  2. صاحب الاستشارة

    دي التحاليل اللي عملتها ، والدكتور شاف اللحمية بالجهاز اللي عنده في العيادة ما طلبش مني أشعة وقالي كمان ان التبويض كويس والشهر ده المبيض كان عامل بويضتين ، بس قالي ان اللحمية هتخلي لو حصل حمل ما يكملش

    http://www.4shared.com/download/bOajRh-Mce/1_001.jpg?lgfp=3000
    http://www.4shared.com/download/hlURdV2Cba/2_001.jpg?lgfp=3000
    http://www.4shared.com/download/EXxaD5Bdba/3_001.jpg?lgfp=3000
    http://www.4shared.com/download/RcZgrGDWba/4_001.jpg?lgfp=3000

  3. مرحبا أختى الفاضلة ,

    نرجو منكي توضيح متى تم اجراء هذه التحاليل بالنسبة لموعد الدورة الشهرية .

    في انتظار توضيحك .

    تحياتي .

  4. صاحب الاستشارة

    التحاليل عملتها تاني يوم الدورة..
    انا عايزة اقرر اعمل ايه بالنسبة للحمية لأن فاضل 4 ايام على ميعاد الدورة

  5. مرحبا أختى الفاضلة ,

    كلا الطريقتين يتم استخدامهم لازالة اللحمية , ولكن البعض يفضل المنظار المهبلي خوفا من الجراحة .

    لذا تقييم الحالة يعتمد على الطبيب المعالج , ورؤيته للحالة .

    مع تمنياتنا لكي بالذرية الصالحة .

  6. صاحب الاستشارة

    معنى كدة اني ممكن اعمل اللحمية بالمنظار المهبلي ومش مضطرة للجراحة وهتبقى نفس النتيجة ؟
    وبالنسبة للتحاليل ايه رأي حضرتك فيها ؟

  7. مرحبا أختى الفاضلة ,

    نعم المنظار المهبلي يعطي نفس نتائج الجراحة , ولكن بعض الحالات تحتاج للجراحة .

    بالنسبة للتحاليل فهي طبيعية .

    تحياتي .