صباح الخير لو سمحت انا كنت عايزه اسأل

الإستشارة رقم: 31488

صباح الخير لو سمحت انا كنت عايزه اسأل على حاجة انا دلوقت متجوزة من اربع اشهر وقبل الجواز كان ممكن ينزل عليا نقط دم بين فترة الدورة والدورة التانية وساعات كان ممكن يجيلى نزيف دم كذا يوم ورحت لدكاترة كتير وكلهم أرائهم مختلفة يعنى حد يقولى حالة نفسية واللى يقولى انيميا واللى يقولى عندى اكياس دهنية ع المبايض كان بيعرفو لما بيعملو سونار يعنى ان فلى اكياس دهنية تمام . المهم لما اتجوزت من اربع شهور من ساعتها بينزلى ده فى اليوم العاشر او بعد العاشر بكام يوم زى نقط دم كل يوم كل يوم لحد معاد الدورة التانية ما يجى المهم رحت لدكتور عمل سونار عادى قالى معنديش حاجة باينة كلو كويس المبايض الرحم بس الرحم سميك قالى 1 سم و4 ملى المهم طلب منى سونار مهبلى لانو شاكك يكون عندى بطانة رحم مهاجرة عملتو وودتهولو قالى مش مش باين فية وجود اكياس الشكولتة بتاعت بطانة الرحم المهاجرة لكن ده مش معناه انك معندكيش بطانة الرحم المهاجرة لانو شاكك انها عندى وقالى هى تبان اكتر الاشعهة بالصبغة بس انا هتعامل معاكى دلوقت ع انك عندك التهاب وهأجل الاشعه بالصبغة دى لبعدين لو محصلش حمل لفترة يعنى مع العلم انو كان مدينى دافلون وقالى وقفية اول ما تجيلك الدورة وبعد ما الدورة تخلص كتبلى على دوا انتيبايوتك تقريبا علشان لو عندى التهاب دلوقتى الدورة جتلى بس جتلى زى نزيف كتل دم كتير اوووى كأنى بنزف . ولسة الدورة خلصانة عندى انا خايفة اخد الدوا اللى هو كتبهولى وانا مش عارفة انا عندى فعلن بطانة الرحم المهاجرة دى ولا لأ اعمل اية علشان اطمن انى معنديش بطانة رحم مهاجرة لانى قريت عنها وعرفت انها حاجة مش كويسة وعلى فكرة هو كشف على عنق الرحم تقريبا وقال انو كويس برضو . شكراا على تعبكم

  1. السلام عليكم اختي الكريمه 🙂

    نود التوضيح اختي الكريمه انه يعتمد تشخيص مرض البطانة المهاجرة على عدة أشياء، تبدأ من التاريخ المرضي للمريضة الذي يرجحه شكل الآلام التي قد تعاني منها أثناء الدورة أو العلاقة الزوجية أو حتى أحيانا ما نسميه آلام الحوض المزمنة.
    الشق الثاني للتشخيص هو فحص المريضة إكلينيكيا أو بالموجات الفوق صوتية للحوض، حيث يلاحظ إما وجود أكياس دموية على المبيضين أو وجود حبيبات أو تكتلات داخل الحوض وتكون مؤلمة أثناء الكشف، وأحيانا ما يستخدم الرنين المغناطيسي للتأكد من وجود الأكياس الدموية على المبيضين.

    أيضا من الأشياء التي يمكن الإستعانة بها في التشخيص بعض التحاليل المعملية التي قد تشير الى إرتفاع في بعض دلالات الأورام مثل بروتين CA125 ولكن مثل هذا التحليل لا يعطي مدلولات مباشرة عن المرض وقد يتشابه مع أمراض أخرى للمبيض.

    يبقى أن نقول أن التشخيص المؤكد للمرض يكون كما قلنا سابقاعن طريق رؤية ألأنسجة المهاجرة مباشرة بالمنظار وأخذ عينة من خلاياها وتحليلها ميكروسكوبيا للتأكد من أنها خلايا للبطانة المهاجرة.

    لذا فاننا نود التوضيح ان دواء المضاد الحيوي لن يمثل خطرا عليكي اذا كنتي تعاني من الالتهابات فهو سيعمل على علاجها بشكل تام ولمزيد من الاطمئنان يمكنكي ايضاح اسم الدواء الينا وسوف نوضح لكي استخدامات هذا الدواء والاثار الجانبيه له …….

    تمنياتنا بالشفاء العاجل والذريه الصالحه 🙂