أضف استشارتك
الرئيسية استشارات الجلدية والتناسلية عندى ما يقرب من 19 سنة ……من وانا طفل

عندى ما يقرب من 19 سنة ……من وانا طفل

الإستشارة رقم: 31843

عندى ما يقرب من 19 سنة ……من وانا طفل صغير وانا عندى حجم الثديين كبير …وانا فى تانية اعدادى خسيت شوية ….بس بردو فضل حجمهم ةكبير ….بس بعدين انا وزنى زاد تانى ….انا حاليا طويل شوية الى حد ما و وزنى بقى 106 كيلو …بس سواء خسيت او تخنت …..عندى نفس المشكلة ……مع ملاحظة ان انا شخص بتاثر باى شئ …يعنى لو شوفت مشهد حزين ممكن اعيط …لو حصل ضغط نفسى جامد عليا ممكن اخش فى مكان لوحدى واعيط….لو سمعت موسيقى حزينة ممكن اتاثر بيها…وبردو فيا حاجة غريبة …انى انا عندى قريب من 19 سنة ولسا ما طلعش عندى شنب او ذقن …وكمان ملامح وشى مش ملامح شاب كبير فى سنى …لكن هية ملامح طفل صغير يعنى شكلى كانى لسا فى اعدادى ….ده الى بيقولوهولى كل الناس …لكن فى نفس الوقت انا زى اى شاب عقلى عقل شاب كبير ناضج وكمان بشعر بشهوة جنسية ناحية النساء طبيعى جدا….وكمان فيه ملاحظة ان انا كنت مولود عندى القضيب حجمه صغير و رحت للدكتور لما بلغت سن البلوغ وادانى كذى حقنة كنت باخد واحدة كل اسبوع وحجم العضو الذكرى كبر شوية…….لكن الجديد بقى ان السنة الى فاتت لما بقى عندى 18 سنة …..حجم الثديين كبر اكتر …والسنة دى بردو حجمهم كبر بنسبة اكبر…وده الى بيخلينى اعانى ……عمرى ما عرفت البس تيشرت من غير ما اسمع سخرية حد ……حتى الاطفال الصغيرة بتسخر منى بالفاظ خارجة وانا ماشى فى الشارع ….انا نفسى ببقى حاسس ان انا فيه بلوى على صدرى عايز اتخلص منها لان الحجم كبر بشكل كبير او ببقى حاسس ان فيه عار او مكسوف جدا من الموضوع….والموضوع مش موضوع السمنة لان فيه ناس صحابى اتخن منى بس السمنة باينة على كرشهم وجسمهم كله لكن مش باينة على صدرهم بنفس الشكل الى عندى….فى النهاية انا عندى 4 اسئلة
1- هوه فيه علاج غير الجراحة ولا لا؟؟
2- لو مفيش حل غير الجراحة….الجراحة تتكلف كام فى مصر فى الاغلب يعنى؟؟
3- هل الموضوع بتاع كبر حجم الثديين ده ممكن يكون ليه علاقة بالامراض النفسية مثلا …(يعنى انا السنة الى فاتت لما كبر حجم الثديين شوية عندى فى الوقت نفسه كان سن مراهقة بالنسبالى 18 سنة ….فكنت احيانا بحس بحب من نوع مختلف شوية يعنى مثلا انى احب واحدة كبيرة مثلا قد المدرسة الى بتدرسلى وفى نفس الوقت احس بان انا محتاج لحضن واحدة اكبر منى مثلا …او احس انى محتاج انها تعاقبنى مثلا ) وما زلت بشعر بالاحساس ده الوقت وانا عندى حاليا 19 سنة الا شهرين ) هل ده ممكن يكون من الاسباب الى خلت الحجم يكبر مثلا ؟؟ ولو هوه السبب ؟ يبقى ايه اسم الحالة الى عندى دى …..ولا هية مراهقة وخلاص ؟
4- موضوع ان لسا معنديش دقن وملامح وشى زى الاطفال …. هل سببه (ان انا كنت مولود عندى القضيب حجمه صغير و رحت للدكتور لما بلغت سن البلوغ وادانى كذى حقنة كنت باخد واحدة كل اسبوع وحجم العضو الذكرى كبر شوية) ولو مش ده السبب ….يبقى ايه السبب؟؟
…………………………..
انا اسف انى كاتب كلام كتير و ان حضرتك هتبذل مجهود كبير فى قراءته ….وانا شاكر لحضرتك جدا جدا على قرائتك للاستشارة ومحاولتك لمساعدتى …..شكرا .

  1. مرحبا أخي الفاضل ,

    هدء من روعك , ولا داعي لهذا القلق الشديد .

    بالنسبة لكبر حجم الثدى عند الرجال فهو يعرف بالتثدي .

    التثدي يحدث بشكل أساسى بسبب زيادة الهرمونات الأنثوية فى جسم الذكر عن الهرمونات الذكرية وفى حالات الأطفال فانها تكون عملية فسيولوجيه مصاحبة للنمو تختفى مع نمو الجسم بشكل طبيعى ، الهرمونات الأنثويه والذكرية تكون موجودة فى جسم الذكر والأنثى معاً على السواء ولكن بنسب مختلفه ، فى أثناء فتره البلوغ يحدث خلل فى نسب الهرمونات والذى قد يسبب زيادة نسبة الهرمونات الأنثوية فى الذكر لفترة معينة مؤديه لزيادة حجم الثدى.

    عادة ما تستمر هذه الحالة حوالى 6 شهور إلى سنتين ثم تختفى وفى بعض الحالات تستمر أكثر من سنتين وهناك عدد من الحالات المرضية والتى قد تؤدى لزيادة حجم الثدى مثل :

    – سوء التغذية أو حالات التعافى من سوء التغذية وحالات تشمع الكبد والتى تغير المستويات الطبيعية للإيض الغذائى فى الجسم.
    – مشكلات الهرمونات الذكرية والتى تؤدى لزيادة نسبة الهرمونات الأنثوية مثل العيوب الجينية ،الإصابات، العدوى أو قله وصول الدم للخصيتين.
    – بعض الأمراض لأخرى مثل الفشل الكلوى المزمن و زيادة نشاط الغدة الدرقية وأحيانا بعض الأورام والتى تغير من الحالة الهرمونية الطبيعية فى الجسم.
    – أيضاً هناك بعض الأدوية : العديد من مجموعات علاج ضغط الدم ، بعض المضادات الحيوية ، بعض علاجات القرح المعدية ، علاج سرطان البروستاتا ، بعض أدوية القلب وعلاج الأيدز وبعض أنواع المخدرات والزيوت العشبية.

    لذا ننصحك اخي الكريم بالذهاب للفحص العيادي لدى طبيب جراحه عامه لفحص الثدي جيدا وتحديد العلاج المناسب .

    طرق العلاج تشمل :

    أهم الأدوية المتاحة :
    -العلاج بالتستوستيرون (الهرمونات الذكرية) والذى ثبت فعاليته إلى حد كبير فى الرجال المتقدمين فى العمر ولكنة غير مؤثر فمن لديهم نسب طبيعية من الهرمونات.
    -العلاجات المضادة للهرمونات الانثوية والتى تستخدم لفترة 6 شهور
    -مادة التاموكسفين والتى تقلل إلى حد ما من حجم التثدى ولا تقضى عليه نهائيا وعادةً ماتستخدم فى الحالات المصاحبة لها آلام شديدة.
    -مادة الدانازول وهى أحد مشتقات الهرمونات الذكرية وغير شائع إستعمالها مع التثدى.

    الجراحة :
    جراحات تصغير الثدى تستخدم فى الحالات المتقدمة ، الحالات التى لا تسجيب للأدوية أو التى تستمر لوقت طويل.

    التغيرات ىالنفسية لا تؤدي للتثدي , كما انه ليس متوافر لدينا قاعدة بيانات بتكلفة العمليات الجراحية .

    مع تمنياتنا بالشفاء العاجل .

  2. لا داعي للقلق ان شاء الله حيث ان اختلاف توزيع الشعر في منطقة الذقن هو أمر شائع في العديد من الاشخاص ولا يرتبط في أغلب الاحيان بمشكلة جلدية لا قدر الله ، و هو أمر طبيعي في المقام الأول نظراً لطبيعة البشرة , كما أن علامات البلوغ تختلف من شخص لآخر .

    و في كثير من الاحيان يكون هذا الامر مؤقت و مع السن يتحسن بشكل كبير .
    الحل المبدأي يتمثل في حلاقة الذقن بانتظام لتجنب الحصول على مظهر غير منتظم للذقن مما قد يكون مزعج من الناحية الشكلية .

    اما عن علاقة هذه المشكلة بمشاكل مرضية فتنقسم لأمرين :

    أولاً : المشاكل الجلدية :
    و هذه المشاكل يصاحبها اعراض اضافية مثل :
    – تساقط الشعر .
    – وجود بقع جلدية فاتحة او غامقة .
    – وجود حكة في الجلد .
    – حدوث مسألة عدم تساوي الشعر بشكل مفاجئ و ليس منذ مراحل النمو الأولى .

    و في هذه الحالة يكون من الضروري مراجعة طبيب جلدية لعمل فحص عيادي مباشر يمكنه من تحديد التشخيص النهائي و على اساسه وضع خطة علاجية مناسبةان شاء الله .

    ثانياً : المشاكل الهرمونية :
    و هذه المشاكل يصاحبها أعراض اضافية مثل :
    – تأخر علامات البلوغ .
    – مشاكل النمو الجنسي .
    – وجود تاريخ مرضي سابق .

    و في هذه الحالة يكون من الضروري مراجعة طبيب غدد صماء لتقييم الحالة بشكل شامل و تحديد اصل المشكلة .

    مع تمنياتنا بالشفاء العاجل ان شاء الله .