مشكلتى مع عدم نزول الدورة الشهرية لشهور

الإستشارة رقم: 19621

السلام عليكم ..انا بنوتة عندى 23سنة وقربت عال24 سنة
مشكلتى هى البيريود هى كانت بتجينى طبيعية اوى وخمس ايام
او اكتر وكانت بتيجى بوجع لما بقى عندى 21 سنة وكنت ف تالتة جامعة
بقت تتاخر بالشهور فى الاول كنت اقول يمكن حالتى النفسية هى المشكلة
خاصة انها كانت ماتجيش فترة الامتحان بس هى بقت زايدة عن الحد
وبقت تغيب بالشهور خاصة ان بقى يظهر فى وشى حبوب كتير
خايفة يكون فيه علاقة بينها وبين عدم نزول البيريود
ياريت بجد تردو على سؤالى خاصة انى مكسوفة اوى انى اروح لدكتور نسا
وكمان لان الظروف المادية مش تمام اووى
اتمنى تفيدونى وجزاكم الله كل خير

  1. مرحبا اختى الكريمة..

    تأخر الدورة الشهرية قد يكون ناتج عن سوء الحالة النفسية والقلق او التوتر ولكن لن يستمر ذلك عدة اشهر.
    وفق الاعراض المذكورة من الممكن ان يكون ماتعانين منه هو تكيسات المبايض، وهي تستدعى علاجا دوائيا لضبط مستوى الهرمونات وتنظيم الدورة الشهرية.
    ولكن لابد الا من إجراء فحص بالسونار للتأكد من التشخيص.
    لا داعى للقلق من الذهاب إلى طبيب أمراض النساء، ومن الممكن الذهاب إلى طبيبة إن كان الامر يقلقك.
    كما أن الفحص في المستشفيات الجامعية يكون بمقابل زهيد ولن تكون هناك مشكلة من الناحية المادية.

    تمنياتنا لكِ بالشفاء العاجل.