السلام عليكم .. انا اختي عندها 21 سنة ، هيه بقالها 9 سنين عندها " مرض السكر " ،، ربنا يعافينا ويعافيكم منه .. بعد 3 سنين من مرض السكر ملتزمتش بالجرعات وكان بيجيلها غيبوبات كتير ووصل ان نسبة السكر عندها وصلت 3 هاي وكانت بين الحياة والموت وبعدها بدات تلتزم بالظبط من شهر بدا يحصل ليها هبوط في السكر كتير مع انها بتاخد جرعتها اللي بتمشي عليها من زمان .. الوقتيم ن شهر جالها هبوط ف السكر ورجلها بدات ملتوية زي المعاقين ،، وبدات تهلوث ف الكلام ومش ف وعيها رحنا للدكتور ركبلها محاليل ورجعت طبيعية قلنا ان السكر انخفض بس ،، ومن يومها وهيه كل يوم او يوم ويوم بيحصل بيجيلها هبوط في السكر وبتتكلم بشكل مش مفهوم واحيانا بتتكلم زي المعاقين وبتهلوث وصوتها عالي ،، بنديلها سكر كتير عشان ترجع وساعات بتحتاج اكتر يعني مرة وصلنا وادنالها 5 معالق سكر مرجعتش لحالتها ادنالها شيكولاتة ورجعت الحمد لله ،، بدات تقلل في جرعتها كانت بتاخد 30 الوقتي بقت بتاخد 20 وبيحصل برده انخفاض في السكر .. بنقلها تروح للدكتور بتقول لا هيقلي بيحصل هبوط في السكر وتقلل الجرعة وخلاص ،، الوقتي انا شاكك ان البنكرياس اشتغل بطريقة جزئية ،، طبعا دي حاجة محالة .. بس انا بفترض بكده تفتكروا حضراتكوا هيه مالها ولا نعمل ايه ؟ انا طالب عندي 16 سنة ،، بس بفترض ان البنكرياس اشتغل مع ان اللي بيموت مش بيشتغل بس مفيش حاجة بتفوق قدرة ربنا ؟ .. آسف علي الاطالة :)