أضف استشارتك
الرئيسية استشارات جراحة عامة السلام عليكم . انا عندي 27 سنة عملت
الإستشارة رقم: 37824

السلام عليكم . انا عندي 27 سنة عملت الزايدة في سنة 2012 والجرح كان 8 غرز والعملية خدت اكتر من 6 ساعات وكان فيه مشاكل فيها . المهم الجرح اتفتح بعدها بشهرين او اقل بس الطبقة الخارجية منه وروحت للطبيب ال عمل لي العملية ومكنش عنده تفسير لفتح الجرح بس قاللي ان الخيط ال المفروض يدوب فضل زي ماهو وفعلا الجرح طلع منه سلك لونه اسود وناشف وملفوف على بعضه بس الدكتور استغرب جدا جدا وعلق على ان الحالة غريبة ولحد النهاردة الجرح تاعبني ولو شيلت حاجة تقيلة بيورم وكمان الجرح نفسه داخل لجوة والجزء ال فوقه بارز وده مسببلي مشكلة نفسية بسبب شكل الجرح وهيئته بس لما بروح لدكتور واقول ان الجرح تاعبني لدلوقت بيقولي عادي وبس لكن محدش بيفيدني مع اني روحت لاكتر من دكتور وكمان الجزء ال تحت الجرح مباشرة احساسي بيه غريب يعني بحسه متخدر دايما مع اني لو قرصته بيوجعني بردو بطريقة غريبة وجع مختلف عن اني اقرص اي جزء ف جسمي تاني وعايزة اعرف انا لو تزوجت وحملت هيكون فيه مشكلة لأن عندي وسواس ان لو حملت بطني هتتفتح وهل طبيعي ان الزايدة تكون 8 غرز لاني اعرف انها 4 بس مع العلم ان اثناء العملية الدكتور اكتشف وبمجرد الفتح ان فيه غرغرينة ف المبيض ومسببة نزيف كنت معتقدة ان الألم ال ناتج عنه ده بسبب املاح مثلا او اي سبب تاني وتم استئصال الجزء المصاب منه
وعندي سؤال تاني انا عندي مشكلة ف الشعر الزائد ف جسمي بشكل وحش اوي فلو فيه حل مثلا ف الهرمونات او يكون فيها خلل ممكن يتعالج
انا اتطلب مني تحليل السكر بس معملتوش رغم اني بدخل الحمام كتير ولو اتأخرت ف الأكل جسمي بيرتعش لحد ماكل اي حاجة فبيتظبط وكتير ببقى حاسة ان قلبي مخطوف وبحس بوجع ف صدري فهل هي دي فعلا اعراض السكر يعني مهم اني اعمل التحليل وجروحي بتنزل صديد حتى لو جروح عادية ومش بتخف بسرعة
آسفة ع الاطالة بس حبيت اشرح لحضرتك الحالة كلها

  1. صاحب الاستشارة

    سوري نسيت حاجة . من فترة ظهرلي ورم تحت الإبط واتشخص على انه التهاب في الغدد تحت الابط وتحت الرقبة . اختفى الورم بس الألم لسة موجود ومرة طلع خراج تحت الإبط وتم التعامل معاه جراحيا من تقريبا 6 شهور وقفل بس بييجي اوقات بيسببلي وجع شديد مكانه

  2. مرحبا أختى الفاضلة ,

    ما توضيحنه قد يكون ناتج عن الاصابة بداء السكري , فمريض السكري :

    – بطء في التئام الجروح .

    – كثرة العدوي .

    – كثرة الذهاب للحمام .

    – العطش الشديد .

    بالنسبة لزيادة شعر الجسم فنرجو منكي التوضيح :

    – ما هو طولك , وزنك ؟

    – هل تعانين من مشاكل في الدورة ؟

    في انتظار توضيحك .

    تحياتي .

  3. صاحب الاستشارة

    شكرا جزيلا لرد حضرتك
    انا طولي 160 ووزني 60 تقريبا
    وحضرتك قلت ان ممكن يكون عندي سكر بس هل هيكون السكر هو سبب كل ال حكيتو لحضرتك ده ؟؟

  4. صاحب الاستشارة

    الدورة منتظمة الحمدلله جدا لو حضرتك تقصد مشاكل ف ميعادها

  5. مرحبا أختى الفاضلة ,

    ما تعانين منه قد يكون ناتج عن ارتفاع نسبة السكري , لذا يفضل في البداية اجراء تحليل للسكر .

    بالنسبة لزيادة الشعر , اذا كان احد افراد اسرتك يعاني من زيادة الشعر فأغلب الظن ان ما تعانين منه امر وراثي .

    زيادة الشعر ايضا من الممكن ان يكون ناتج عن اضطرابات هرمونية لذا يفضل اجراء سونار على المبايض للتأكد من عدم وجود مشاكل .

    تحياتي .

  6. صاحب الاستشارة

    شكرا جزيلا يا دكتور
    عندي استفسار اخير بعد إذنك .. لو الأم عندها سكر وعندها تاريخ مرضي للسكر ف عائلتها ممكن تورثه لطفلها ويتولد بيه بنسبة كام ف المية تقريبا . يعني وارد وشائع ولا نادر ان ده يحصل .
    بارك الله فيك . شكرا

  7. صاحب الاستشارة

    أنا عملت تحليل دلوقت ولقيتو 140 بس كنت واكلة من ساعتين او 3 ساعات كدة
    كدة يبقى تمام ولا إيه؟؟

  8. مرحبا أختى الفاضلة ,

    يفضل اجراء تحليل للسكري في الدم ( صايم ) .

    النتيجة السابقة لا تشير لوجود السكري , ولكن يفضل اجراء التحليل للاطمئنان .

    تزداد فرص الاصابة لدى الاطفال , ولكن ليس هناك نسبة معينة لتأكيد حدوث الاصابة .

    تحياتي .

إعلانات