أضف استشارتك
الرئيسية استشارات الجلدية والتناسلية السلام عليكم… والدى طلع له بقع حمرا

السلام عليكم… والدى طلع له بقع حمرا

الإستشارة رقم: 31950

السلام عليكم… والدى طلع له بقع حمرا فى رجليه و ظهره.. بقالها شهرين و بتيجى بحكه مش بيعرف ينام منها .. راح لكذه دكتور جلدية .دكتور قاله دى حساسية و اداله حبوب حساسية و مرهم ليها و دكتور تانى قاله ده فوران فى الدم و دكتور قاله دى بسبب نقص فى الصفائح الدموية .. لحد دلوقتى مش لقيين تفسير للبقع دى و هى تعباه ف ياريت لو فى تفسير او علاج ليها. هى بتتنقل من الدراع والرجل و الظهر و الكتف و فى كل حتة . خد حقنة كورتيزون راحت البقع كلها و رجعت تانى يوم الصبح علطول. والدى يعانى من امراض مزمنة القلب و الكبد و الضغط و الطحال والكوليسترول وكل الامراض دى لها ادوية.. فى علاج شهرى لها. و لكن لا يوجد تاريخ عائلى للحساسية بشكل عام .. هو عمل تحليل دم طلعت كرات الدم الحمراء والبيضاء كويسة لكن الصفائح الدموية قليلة هى 105 و المفروض متقلش عن 150
والدى يتناول مونوماك للقلب … تينورمين للضغط ..السيمارين او اركاليون للكبد .. فيتا زنك كفيتامينات .. اتور للكوليسترول .. تامسولين للبروستاتا… بالنسبة للسيوله هو كان بياخد فيتامين k بس وقفه من كذة شهر عشان جتله جلطه غير مستقرة.. و كمان هو عنده تضخم فى الطحال ..و الصفائح الدموية المسئوله عن تجلط الدم قليله عن الطبيعى … ف هل البقع دى سببها سيوله فى الدم ؟

ومعلش اخر سؤال هو عنده فيروس c بقالو 10 سنين و هو دلوقتى عنده 72 سنه فهل البقع دى ممكن ان تكون بسبب نسبه تليف فى الكبد ؟؟ شكرا مقدما و ارجووو الرد ونبى

  1. مرحبا أختي الفاضلة ,

    البقع الحمراء التي يعاني منها والدك غالبا ناتجة عن الاصابة بفيروس سي , وكذلك نقص الصفائح الدموية .

    في حالة والدك من الممكن وصف بعض ادوية لسيولة الدم , وإعطائه أيضا بلازما بشرية .

    ويفضل المتابعة كل 10 أيام , لتظبيط الجرعة العلاجية .

    يجب ايضا الانتباه للون البول , البراز وإذا ظهر نزيف من أماكن بالجسم كالأنف .

    قد يكون ما حدث لوالدك مؤشر لوجود سيولة بالدم , ويحتاج للمتابعة من قبل طبيب الكبد المعالج .

    يفضل أيضا أختي الفاضلة إجراء سونار على الكبد , والطحال .

    مع تمنياتنا لوالدك بالشفاء العاجل .

إعلانات