انا 36 سنه مطلقه بدون اولاد لا اعمل بقالى شهر ونص فى حاله من العذاب 24 ساعه لانى عملت فى نفسى و عن جهل مصيبه انا اصلا عندى ارق مزمن و قلت بدل ما اخد منومات لانها بتبقى مضره اخدت دواء بتاع برد اسمه كونجيستال لانه بيساعد على النعاس و اخدته بقى بهبل من 10 الى 15 قرص فى اليوم و لمده اكتر من 10 شهور لحد من شهر و نص جتلى الحاله البشعه دى اللى انا فيها و هى انى فجاه حسيت ان نفسى مكتو م و صدرى مكتوم و ضيق و كل حاجه حواليا خنقانى جداااا حتى انى بحس ان سقف البيت طابق على نفسى و انى بتخنق انام على جمبى اليمين الفتحه اليمين من انفى تتسد و كذلك انام على جمبى الشمال الفتحه الشمال تتسد و مش طايقه السرير اللى انا عليه كانه خنقنى و عنيه بقى مش شيفه بيها زى قبل كده و مش شيفه الاشياء و لا اى حد حواليا زى ما كنت شيفاها زى ما يكون الرؤيه عندى ضبابيه و مش واضحه زغلله وده خنقنى اووووى و فقدان شهيه تاااام مليش نفس لاى اكل و لا شرب تماما و بقعد ب 5 ايام مبكلش و ريقى علطول ناشف زى الحجر وراسى ووشى مبقوش يعرقوا نهائ لانى قبل الحاله دى كانت راسى او فروة راسى ووشى بيعرقوا عادى و طبيعى و عدم العرق ده خنقنى و كمان ايه بقى كنت قبل الحاله دى عندى احاسيس و عواطف و مشاعر و حاسه بنفسى و كل شئ حواليا و كان عندى احساس بالنشوه و الانتعاش كده لما مثلا اشوف مسلسل او فيلم او اغنيه بحب اسمعها كنت بحس بالانتشاء و النشوه مبقتش احس بكده نهائ كنت حاسه بنفسى و ذاتى من جوا نفسى و كنت حاسه بكل شئ محيط حواليا مبقتش احس نهائ باى شئ و كان عندى حيويه كده انى اروح و اجى فى البيت بسرعه و اخش المطبخ اطبخ مبقاش فيه كده نهائ و كان نفسى واسع و صدرى واسع كده و الدنيا واسعه دلوقتى الدنيا ضيقه جدااا و طابقه على نفسى و مش طايقه نفسى نهائ ابقى قاعده ساكته لكن من جوايا مش طايقه نفسى خالص و لا طايقه حد حواليا و لا طايقه اى صوت حواليا و فكره الانتحار مسيطره عليا تماما غصب عنى بتدور و تيجى فى دماغى 24 ساعه من الحاله اللى انا فيها ببقى عايزه اموت نفسى غصب عنى مش بخطرى عشان هحس انى هخلص من الحاله دى و ان الموت هو اللى هي هيخلصنى و يريحنى حاولت بصراحه انتحر بس لسه مش جيالى القدره على التنفيذ و انا من غير الحاله اللى جتلى دى عارفه ان الانتحار كفر و مش عايزه اموت كافره و انا بصلى و بقرا قران و بسمعه الحمد لله و برده مسيطر عليا الانتحار بشكل فظيع ببقى نايمه مثلا و الاقى نفسى قمت فجاه و حسيت بنفسى المكتوم و صدرى الضيق و اقوم اروح للبلكونه اخد نفسى بحس باضطراب شديد ساعتها و من ساعة ما جتلى الحاله دى حاسه انى طبعا مش على طبيعتى و لا عوايدى نهائ يعنى مش عاديه زى الاول كده طبعا انا حسيت ان كل اللى جرالى دا من دواء كونجيستال اللى قعدت اخد فيه عمال على بطال و طبعا مبقتش اخده من ساعتها يعنى من ساعة ما حسيت بالحاله من شهر و نص و روحت لدكتور و عملت اشعه مقطعيه على المخ طلع مفيهاش حاجه و عملت فحص قاع عين برده مفيهوش حاجه و عملت صورة دم كامله طلع مفيهاش حاجه و قريت فى النت ان دواء كونجيستال ده يمتص عن طريق الجهاز العصبى المركزى يعنى اكيد هو اللى عملى كده و ضر الجهاز العصبى المركزى فى المخ و لخبط كيميا المخ بتعتى لانى انا حاسه فعلا انى انا مش انا حالى اتبدل 360 درجه كانى واحده تانيه و زى ما يكون مخى ده كان شغال و اتكتم و اتقفل فجاه حاسه بنفسى فعلا ان مخى مش على طبيعته و مش زى الاول كده شغال لانى مش بحس باى شئ زى ما كنت حاسه بيه فى الاول كده و خصوصا الجانب الخاص بالنشوه و الانتعاش و الفرحه و السرور من اى شئ حواليا اشوفه او اسمعه يبقى دواء كونجيستال ده عملى ايه عايزه اعرف و الحل ايه و هل هفضل بالحاله البشعه الفظيعه دى علطول انا بتعذب من جوايا عذاب شديد جدااا من الحاله دى و علطول بعيط يعنى بكاء شديد و برده غصب عنى بحس بانى عايزه اعيط و ابكى بشده من الحاله دى هى اللى عملالى كده و مغيرانى ارجوكى ساعدينى انا بس خايفه كمان تجيلى الجراه الكافيه و انفذ فكرة الانتحار المسيطره عليا دى هل الدوا كونجيستال عملى اختلال و اضطراب شديد فى الجهاز العصبى المركزى و اثر على وظائفه الحيويه و اثر على المواد التى بداخله اللى بتنظم الاحاسيس و المشاعرو المزاج يعنى لخبط المواد المسؤله عن المزاج و الحاله المزاجيه ولخبط المراكز البصريه و المراكز التنفسيه انا تعباااااااانه اووووووووى و بتعذب الحاله دى هتروح و لا مش هتروح و هفضل كده و ايه الحل

  1. مرحبا أختي الفاضلة ,

    بداية لا يجب تناول الأدوية دون إسستشارة الطبيب المعالج .
    يجب التوقف نهائيا عن تعاطي الدواء المذكور .
    الدواء المذكور مضاد للإحتقان والآلم ولا يستخدم لعلاج الأرق ويؤدي للإصابة بالأعراض المذكورة .

    يفضل الذهاب لطبيب أمراض نفسية لتقييم الحالة ووصف العلاج المناسب .

    بالنسبة للأرق :

    1- حظر الضوء الأزرق فى غرفه النوم :
    الضوء الأزرق المنبعث من هاتفك الخلوى او جهاز الكمبيوتر او ساعه رقميه بجوارك يبعث موجات قصيره تتداخل مع نومك .
    لذلك احرصى على غلق تليفونك الخلوى او جهاز الكمبيوتر اثناء نومك واذا كان مصدر الضوء لا يمكن اغلاقه فعليك بحجبه عن طريق غطاء وذلك قبل ساعه على الاقل من بدء نومك .

    2- تجنبى القيلوله :
    اذا ماكنتى تعانىن من مشاكل فى النوم فان القيلوله سوف تزيد من سوء الأمر . ولكن اذا كان لا مفر منها نتيجه ارهاقك فاحرص على ان تكون مدتها لاتزيد عن 20 دقيقه فى وقت مبكر من اليوم .
    لذلك احرصى على ان تقضى فتره الظهيره فى عمل يجنبك الاستسلام لارهاقك والقيام بأخذ قسط من الاغفاء عن طريق التمشيه او أخذ مشروب بارد او الاتصال بصديق يليهيك عن هذا الشعور .

    3- تجنبى وجود الساعه امامك :
    فعاده ما ننظر الى الساعه اثناء النوم لنكتشف كم من الوقت متبقى على النهوض من النوم والقيام باعباء النهار الشاقه مره اخرى مما يتسبب فى معاناتنا اثناء ساعات النوم .
    لذلك احرصى على ابعاد الساعه عن نظرك عن طريق وضعها فى الدرج او تحت سريرك او اى طريقه اخرى تبعدها عن مرمى بصرك ولا تنسى كما ذكرنا حجب شاشتها التى تبعث الضوء الأزرق .

    4 وضع وساده بين ساقيك :
    البعض يعانى من الام الظهر وقد يكون هذا الألم بسيط واضعف من ان يتسيبب فى ايقاظ الشخص ولكنه يربك نومك فى مراحله العميقه . لذلك فان وضع وساده بين الساقين يساهم فى المواءمه بين اسفل الظهر والوركين مما يتيح لك راحه افضل والام ظهر اقل .
    والبعض ايضا اثناء نومه على ظهره يقوم بوضع وساده اسفل ركبتيه ليشعر براحه اكبر .

    5 -اجعلى الرقبه فى وضع مناسب :
    اذا استيقظت مره واكتشفت انك تعانى من الام الرقبه وتخشبها فاعلم ان السبب هو الوساده التى تضعها اسفل رأسك , فستكتشف انها اما كانت كبيره لدرجه جعلت مستوى الرقبه عالى او صغيره فجعلت مستوى الرقبه منخفض عن باقى جسمك . والوضع الأصح ان تكون الرقبه فى وضع محايد ومناسب بالنسبه لجسمك . كما ان النوم على البطن يؤدى الى تلوى الرقبه مماينتج عنه نفس الاعراض .
    لذلك احرص على ان يكون مستوى رقبتك مناسب لباقى جسمك وتجنب الاوضاع الغريبه لها مثل وضع مشاهده التليفزيون اثناء التلقى على السرير حيث يحاول الشخص استخدام وساده اعلى لتمكنه من المشاهده على حساب التواء رقبته .

    6- مفرش السرير :
    فى بعض الاحيان تكون لنظافه مفرش السرير دور فى نوم غير مكتمل , فالمفرش الغير نظيف والذى قد يؤدى الى الاصابه بالهرش او العطس ووجود غبار المراتب يؤدى الى نوم متقطع .
    لذلك احرص على نظافه مفرشك .

    7- اجعلى غرفه نومك للنوم فقط :
    توقف عن قراءه الكتب او مشاهده التليفزيون او التحدث فى الهاتف اثناء وجودك على السرير لان ذلك يفقده اهميته وقيمته كمكان للراحه بالنسبه لك .

    8- ظبط الساعه البيولوجيه لجسمك :
    الذهاب الى النوم والاستيقاظ منه فى نفس الوقت من كل يوم حتى فى ايام الاجازات يساعد على وضع المخ والجسم فى دوره نوم واستيقاظ صحيه مما ينتج عنه سرعه النوم عند التوجه الى الفراش .
    واحرص ايضا على ان تتعرض لضوء الشمس الساطع فى الصباح عندما تستيقظ لان الشمس هى اكبر منظم للساعه البيولوجيه (سبحان الله) .

    9- تجنبي ماده الكافيين :
    تجنب تناول ماده الكافيين الموجود فى القهوه والشوكولاته والطعمه والمشروبات الاخرى ابتداء من فتره الظهيره لانها تتداخل مع مراحل هامه من النوم .
    وتذكر ان بعض الحبوب المسكنه وحبوب خفض الوزن تحتوى على كميات من هذ الماده ايضا .

    للمزيد من المعلومات نرشح لك الأطلاع على الموضوعات التالية :

    سلسلة اضطرابات النوم المرضية
    https://www.dailymedicalinfo.com/diseases/Sleep

    5 أطعمة تساعدك على نوم هادئ وعميق
    https://www.dailymedicalinfo.com/articles/a-1093

    20 نصيحه للتخلص من الأرق
    https://www.dailymedicalinfo.com/articles/a-207

    مع تمنياتنا بالشفاء العاجل .